Súńgýir-robot sý túbinde jatqan kemeden jádiger tapty
ASTANA. QazAqparat - Stenford ýnıversıtetiniń mamandary qurastyrǵan OceanOne súńgýir roboty XVII ǵasyrda batyp ketken kemeni qarap shyqty. Bul týraly ýnıversıtettiń saıty habarlady.
OceanOne roboty Jerorta teńizinde Frantsııanyń ońtústik jaǵalaýynan 32 shaqyrym jerde sýǵa ketken XIV Lıýdovıktiń bas kemesine súńgidi. Keme synyqtarynyń arasynan operator shaǵyn qumyrany tapty. Bul qumyrany robot sebetke salyp, sý betine alyp shyqty.
OceanOne roboty stereoskopııalyq kórinisti beretin kameramen jáne zattardy qarmaýǵa múmkindik beretin manıpýlıatorlarmen jabdyqtalǵan. Negizinen robot ózdiginshe qozǵalady. Alaıda operator kez-kelgen ýaqytta qoldan basqarýǵa kóshe alady.
Qurastyrýshylardyń sózine qaraǵanda, robottyń eki qolynyń jáne stereoskopııalyq kórý qabiletiniń bolýy qaýipti jaǵdaılarda sýńgýirlerdi almastyrýǵa múmkindik beredi.
OceanOne qurastyrýshylary robotty teńiz astyn burǵylaý jumystaryna paıdalanýdy usyndy. Robottyń adamǵa uqsastyǵy onyń súńgýirlermen birge júrip jumys isteýine múmkindik beredi.
