Súńgýir Baıkal túbinde úsh jyl jatqan fotoapparatty ıesine qaıtardy
ASTANA. QazAqparat - Reseılik daıver Alekseı Vaskov Baıkal túbinen fotoapparat taýyp aldy jáne ony joǵaltqan januıany tapty. Úsh jyldan keıin kamera óz ıelerine qaıtaryldy, dep jazdy «Komsomolskaıa pravda Irkýtsk».
Kóldiń tereńine súńgigen ırkýtskilik súńgýir Baıkal túbinen baldyr basqan fotoapparatty taýyp aldy. Apparattyń qosylmady alaıda flesh-kartasy áli de iske jaramdy eken.
Súńgýir jadyny telefonǵa salyp, maqtaý qaǵazyn alǵan kishkentaı qyzdyń fotosyn tapqan. Maqtaý qaǵazynda jazylǵan esim men aýyl aty anyq oqylǵan. Tanystaryna habarlasyp, fotoapparatyn joǵaltqan januıamen baılanys ornatqan.
Fotoapparatty jolǵaltqandar Baıkalǵa demalýǵa barǵan jáne jergilikti balyqshylar olardy qaıyqpen qydyrtqan. Qaıyqtaǵy serýen kezinde fotoapparat otaǵasynyń qolynan sýǵa túsip ketken bolyp shyqty.
