«Súndet toıǵa barǵan qyzǵa súıek tasta». Súndet toı qalaı ótken
ASTANA. KAZINFORM – Mádenıet jáne ulttyq salt-dástúr kúnine oraı Kazinform agenttigi nazarlaryńyzǵa ultymyzdyń tal besikten jer besikke deıingi ǵumyryndaǵy mańyzdy salt-dástúrlerin usynady.
Súndet toı
Súndet toı, ədette er balalarǵa 5 ne 7 jas aralyǵynda jasalady. Onda, súndet toıyn jasaıtyn balany arnaýly bir atqa mingizip, ústine oqaly shapan, basyna qalpaq, taqııa, ıyǵyna úki taǵyp, beline bir sharshy aq kezdeme baılap, atyna eki basy shashýǵa tolǵan qorjyn saldyryp, bir eresek adam ony týys-týǵan, dos-jaran, el-jurtyn aralatyp júrip toıǵa shaqyrady.
Bala ər aýylǵa barǵanda, ony aýyl adamdary shashý shashyp qarsy alady jəne onyń belindegi aq kezdeme beldigine kəde baılap, qorjynyndaǵy shashýdan qalaǵanynsha alyp, ornyna taǵy shashý salyp qoıady. Al jaqyn týys-týǵandary men naǵashylary «azamat boldy» dep qýanysyp, taı, qunan, at, qoı-qozy atap, shapan kıdirip qaıtarady.
Súndet toıda qyz qýar, kókpar, aıtys, balýan, qunan shabys sııaqty kóńil ashý jəne sport oıyndary ótkiziledi. Qalyptasqan salt jəne qazaq ədep ólshemi boıynsha, súndet toımen onyń oıyn-tamashalaryna qyzdar múlde barmaıdy.
«Súndet toıǵa súıkimsiz qyz barady» dep qyzdardyń súndet toıǵa barýyn – tərbıesizdik, kórgensizdik, teksizdik sanap, «súndet toıǵa barǵan qyzǵa súıek tasta» dep, ondaıdy jek kóredi.
Materıal Aıyp Núsipoqasulynyń «Tal besikten jer besikke deıin» atty kinabyna negizdelip daıyndaldy.
