Súndet toıda jylqyǵa qatygezdik kórsetken er adam jaýapqa tartyldy
Shymkentte toıhana zalyna kirgizilgen jylqy malyna qatygezdik tanytqan turǵyndar anyqtaldy, dep habarlaıdy Kazinform Rolisia.kz-ke silteme jasap.
«Qalalyq polıtsııa departamentiniń qyzmetkerleri áleýmettik jelilerdi monıtorıngileý barysynda oramalmen kózi baılanǵan atty baspaldaqtan tómen túsirýge árekettenip jatqan er adamdar týraly vıdeony baıqady.
Tekserý nátıjesinde bul jaıt 8 qazan kúni Abaı aýdanyndaǵy meıramhanalardyń birinde súndet toı kezinde bolǵany anyqtaldy.
Jylqynyń ıesine qatysty tártip saqshylary QR Ákimshilik quqyqbuzýshylyq týraly kodekstiń 407-1 baby ("Janýarlarǵa qatygezdik kórsetý") boıynsha ákimshilik hattama toltyrdy.
Tártip saqshylary janýarlardy ustaý kezinde olardy uryp-soǵýǵa, azaptaýǵa, janýardyń ólimine, jaraqattanýyna ákep soqtyrýy múmkin zorlyq-zombylyqqa jol berilmeıtinin eskertedi», - delingen málimette.
