Súndet Baıǵojın Italııa sahnasynda óner kórsetti
NUR-SULTAN. QazAqparat - Qazaqstandyq opera ánshisi Súndet Baıǵojın Italııa sahnasynda óner kórsetti, dep habarlaıdy QazAqparat.
Mysyr, Rýmynıa, AQSh syndy álemniń úzdik ánshileri «Madam Batterflıaı» qoıylymyn ıtalııalyq kórermenge usynǵan bolatyn. Olardyń arasynda qazaqstandyń opera ánshi Súndet Baıǵojın bar.
«Madam Batterflıaı» qoıylymyn alǵash ret sahnalap otyrǵanymyz joq. Buryn «Astana Operada» kórermenge usynǵan bolatynbyz. Desek te, bul joly jańashyldyq engizdik. Qoıylymnyń dırıjery Djýzeppe Akvavıva, rejıssery Lorentso Amato syndy óner sańylaqtary. Hor jergilikti «Carlo Felice» teatrynyń ánshilerinen quraldy. Álemniń túpkir-túpkirinen kelgen oryndaýshylarmen birge daıyndyq júrgizip, óner súıer qaýymnyń qoshemetine bólendik. El amanaty árqashan erge qanat. Maǵan júktelgen amanatty abyroımen oryndaǵanyma qýanyshtymyn», - dep oı qosty Súndet Baıǵojın.
Qazaqstandyq opera ánshisi birneshe jyl buryn dál osy sahnada ıtalıandyqtarǵa ulttyq naqyshtaǵy týyndylarymyzdy usynyp, «Abaı» operasyn qazaq tilinde qoıǵan bolatyn.
«Bolashaqta «Carlo Felice» teatyrymen birlesken jobalardy jalǵastyrmaq nıettemin. Keler jyly «Sevıl shashtarazy» qoıylymyn jańasha úlgide kórermenge usyný josparlanyp otyr. Múmkin Fıgaronyń partııasyn oryndap qalarmyz...», - dedi ánshi aldaǵy josparlarymen bólisip.
Esterińizge sala keteıik, Súndet Baıǵojın bir aı kóleminde Italııanyń «Carlo Felice» teatyrynda óner kórsetip, taıaýda elge oraldy. Endi «Astana Opera» teatyrynyń sahnasynda el kórermenderine jańa premeralar usynbaq.
