Sýmen jabdyqtaý júıelerin damytý baǵytynda 32 joba júzege asyrylyp jatyr - AShM

ASTANA. QazAqparat - Sýmen jabdyqtaý júıelerin damytý baǵytynda elimizde 49 mlrd. 745 mln teńgeniń 32 jobasy júzege asýda. Bul týraly búgin Aýyl sharýashylyǵy mınıstrliginde ótken Sý resýrstary komıtetiniń 2015 jyldy qorytyndylaýǵa arnalǵan alqa otyrysy barysynda málim boldy.

«Onyń ishinde 2015 jyly 11 mlrd 84 mln. teńge bólinip, jeltoqsan aıynyń basyndaǵy jaǵdaı boıynsha 9 mlrd.teńgesi ıgerildi. Sonymen qatar, memlekettik komıssııa aktisimen 6 nysan paıdalanýǵa qabyldandy, 3 nysan boıynsha jumystar áli júrgizilýde. 2016 jyldyń birinshi jartysynda taǵy 9 sýmen jabdyqtaý nysandaryn aıaqtaý josparlanýda», delingen Komıtet taratqan málimette. Budan bólek, aýyz sýmen jabdyqtaý júıelerin salý jáne qaıta jańartý boıynsha 2015 jyly 28 jobany júzege asyrýǵa respýblıkalyq bıýdjetten 7 mlrd 566,5 mln.teńge bólingen. Onyń ishinde 10 jeltoqsandaǵy jaǵdaı boıynsha 9 nysan qoldanysqa berilip, 6 mlrd 413,7 mln.teńge ıgerildi. Sonymen qatar, sharýashylyq kanaldardyń asa apatty ýchaskelerin jóndeý jáne qalpyna keltirý jumystary boıynsha jalpy quny 1 mlrd 432 mln teńgeni quraıtyn 4 joba iske asyrylyp keledi. Sonyń ishinde, 2015 jyly 817 mln. teńge bólinip, atalǵan nysandardy aǵymdaǵy jyldyń jeltoqsan aıynyń aıaǵyna deıin aıaqtaý josparlanǵan.