Sýmen jabdyqtaý qyzmetine tarıfter qańtarda 3 óńirde 97 paıyzǵa deıin ózgerdi
ASTANA. 14 qańtar. QazAqparat - Sýmen jabdyqtaý qyzmetine ortasha tarıfter qańtar aıynda 3 óńirde 16,7%-dan 97%- ǵa deıin ózgerdi.
Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Tabıǵı monopolııalardy retteý agenttiginiń tóraǵasy Murat Ospanov málim etti.
Onyń aıtýynsha, káriz qyzmetteriniń tarıfteri qańtarda 3 óńirde 51%-dan 57%-ǵa deıin ózgergen.
«Sýmen jabdyqtaý jáne káriz qyzmetterine tarıfter ósýiniń negizgi sebepteri - elektr energııasyna baǵanyń kóterilýi. Sebebi, ol ózindik qunda 30%-dy quraıdy. Sonymen qatar hımııalyq reagentter, materıaldar qunynyń ósýi, jóndeý jumysy shyǵynynyń áseri bolyp otyr»,-dedi agenttik basshysy.
Budan basqa tarıfke sýmen jabdyqtaý júıelerin qaıta qurý men jańǵyrtýǵa baǵyttalǵan ınvestıtsııalyq baǵdarlamany iske asyrý áser yqpal etedi.
