Sýmatrada shamaly zerttelgen aýrýǵa 17 myń adam ushyrady
ASTANA. Naýryzdyń 3-i. QazAqparat - Indonezııanyń ońtústigindegi Sýmatra aralynyń Lampýng provıntsııasynda 2010 jyldyń alǵashqy eki aıynda shamaly zerttelgen juqpaly chıkýngýne aýrýlaryna ushyraǵan adamdardyń sany 17 myń 370-ke jetti,
dep habarlady reseılik «Jańalyqtar» agenttigi.
Budan eki apta buryn jergilikti ókimet oryndary Lampýng provıntsııasynyń Sıdomýlo qalasynda tótenshe jaǵdaı rejimin jarııalaǵan bolatyn. Munda osy indetke 420-ǵa tarta turǵyn tap boldy.
Oıda joqta paıda bolǵan indetke Tangýmas aýdanda 4 myń 670 adam shaldyqty. Odan keıin 2805 syrqatpen Pesavaran aýdany tur.
Bul aýrý ásirese plantatsııa ósiriletin aımaqta belsendi taralyp otyr, óıtkeni ony taratatyn masa plantatsııa arasynda ómir súredi. Aýrýdyń belgileri - bezgek sııaqty deneni qalshyldatady. Densaýlyq saqtaý uıymdary turǵyndardyń toǵandardy tazartyp, túnde betperdemen qorǵanýyna keńes berýde.
