Sýma Chakrabartı Ózbekstan men Qazaqstan yntymaqtastyǵynyń ekonomıkalyq múmkindigine baǵa berdi

Baǵdarlama barysynda Prezıdent keńesshisi Ózbekstan Prezıdenti Shavkat Mırzıeevtiń Qazaqstanǵa jasaǵan resmı saparyna toqtaldy.

«Bul kóp bastamaǵa jol ashqan sapar boldy. 6,6 mlrd dollar bolatyn saýda, aýyl sharýashylyǵy, tasymaldaý, logıstıka sııaqty ekonomıkanyń asa mańyzdy salalary boıynsha kelisimsharttar men tyń jańa bastamalarǵa qol qoıyldy. Bir jyl buryn mundaı bolar edi dep oılamaǵan edik. Al búginde eki el, eki eldiń Úkimettteri naqty sheshim qabyldaǵanyn kórip otyrmyz. Mırzıeev myrza Qazaqstannyń tsıfrlyq úkimet keńsesine baryp, jumysymen tanysty. Ol Astana halyqaralyq qarjy ortalyǵyna da bas suqty. Meniń oıymsha, bul Ortalyq Azııa óńirinde paıda bolǵan shynaıy kooperatsııanyń bastaýy bolýy ábden múmkin», - dedi Prezıdent keńesshisi.

Ser Sýma Chakrabartı kelisimge qol qoıýmen is bitpeıtinin eske saldy. Endi osy ýaǵdalastyqtardy naqty iske asyrý kerek. Eki Úkimetiniń shynaıy nıeti men qabileti osy kezde belgili bolmaq.

Sýma Chakrabartı Qazaqstan men Ózbekstannyń Joǵary Memleketaralyq keńesin qurýdyń mańyzyna da toqtaldy.

«Men ony óte mańyzdy qujat dep sanaımyn. Bul ekonomıkalyq qatynastar jergilikti qaýymdastyq deńgeıinde de, Úkimetter deńgeıinde ózekti. Іs júzinde sırek kezdesetin tájirıbe bolyp jatyr. Eki tarap saıası salada da da, ekonomıkada da úılesimdi áreket etýge yntaly. Bul eki elge de mańyzdy jáne búkil Ortalyq Azııa aımaǵy úshin de óte mańyzdy. Óıtkeni, aımaqtaǵy eń iri eki memleket te osylar. Batys ta, álemniń basqa óńirleri bul jaqyndyqty jiti baqylap otyr. Úılestirý sátti bastalsa, onyń aýqymyn keńeıtip, deńgeıin tereńdete berý kerek. Mundaı úılesimdiliktiń qunyna baǵa jetpeıdi. Ortalyq Azııada birlik bolǵanda ǵana onyń úni halyqaralyq alańdarda mańyzdy bola bastaıdy» - dedi Memleket basshysynyń keńesshisi.