«Sulýlyq ınektsııalaryna» júginbes buryn neni eskerý kerek
ASTANA. QazAqparat – Keıingi jyldary arnaıy dárilik preparattardyń negizinde ınektsııalyq em-sharalar qoldanylatyn botýlınoterapııa (botoks) em-sharasy keńinen suranysqa ıe boldy. Bul «sulýlyq ınektsııalary» teriniń patologııalyq ózgeristerin jasartý jáne joıý maqsatynda ekstetıkalyq medıtsınada jıi qoldanylady, dep habarlady QazAqparat Densaýlyq saqtaý mınıstrliginiń baspasóz qyzmetine silteme jasap.
Alaıda kosmetologııalyq klınıkalarǵa barǵan kezde barlyǵy botokstyń jaramdylyq merzimine jáne eń bastysy Qazaqstanda osy quraldyń tirkelgenine nazar aýdarmaıdy.
Búginde dárilik zattar men medıtsınalyq buıymdardyń memlekettik tizilimine sáıkes QR-da botýlınoterapııada qoldanýǵa arnalǵan 12 dárilik zat tirkelgen. Olar dárigerdiń retsepti boıynsha qatań túrde beriledi.
Qazaqstan Respýblıkasy zańnamasynda retsept boıynsha dárilik zattardy retseptsiz satqany úshin ákimshilik jaýapkershilik kózdelgenin aıta ketý kerek. Dárilik zattardyń zańsyz aınalymy úshin tek ákimshilik qana emes, sonymen qatar qylmystyq jaýapkershilik te kózdelgen.
QR Densaýlyq saqtaý mınıstrligi ınektsııalardy óz betinshe engizbeýge, tek qana sertıfıkattalǵan mamandardyń qyzmetterin paıdalanýǵa jáne elimizde tirkelgen, dárigerdiń retsepti boıynsha jazylǵan dárilik zattardy ǵana satyp alýǵa keńes beredi.
