«Sulýlyq hanshaıymy» Gondýrasta iz-tússiz joǵalyp ketti
ASTANA. QazAqparat - Gondýrastyq model jáne Santa-Barbara departamentindegi sulýlyq baıqaýynyń jeńimpazy Karına Andıno 29 shildede óz úıinen shyǵyp, iz-tússiz joǵalyp ketti, dep habarlaıdy RIA Novostı.
Týystarynyń aıtýynsha, 18 jastaǵy Andıno jańa jumys babymen sóılesý úshin kezdesýge ketken, sońǵy ret ony Trınıdad mýnıtsıpııasynda kórgen.
2014 jyly «Gondýras hanshaıymy» Marııa Hose Alvaradonyń qatigezdikpen óltirilýi Gondýrasty jáne búkil álemdi eseńgiretken edi.
On toǵyz jastaǵy Alvarado 2014 jyldyń sáýirinde «Gondýras hanshaıymy» atanǵan. Sol jyly qarasha aıynda ápkesi ekeýi ajal qushty. Onyń ápkesiniń jigiti bar kináni moınyna aldy.
Gondýrastaǵy zorlyq-zombylyq pen qylmys deńgeıi álem boıynsha joǵarǵy orynda tur. BUU esirtkimen jáne qylmyspen kúres basqarmasy Gondýrastyń 100 myń halqyna 90,4 kisi óltirýden keletinin aıtty. Onyń ústine, kisi óltirýdiń 70%-ynyń esirtki saýdasyna qatysy bar.
