Sulýlyǵynan ambıtsııasy ǵana asyp túsedi — Pavel Dýrov Qazaqstan jaıly ne jazdy
ASTANA. KAZINFORM — Kásipker, Telegram negizin qalaýshy Pavel Dýrov Qazaqstanǵa saparynan alǵan áserin bólisti.
«Jaqynda Ortalyq Azııanyń ekonomıkalyq qýatty ortalyǵy — Qazaqstannan oraldym. Aıbyndy Astanada, jarq-jurq etken Almatyda, kórkem Býrabaıda jáne tabıǵaty tamasha Sharyn shatqalynda boldym. Qazaqstannyń sulýlyǵynan onyń ambıtsııalary ǵana asyp túse alady. El bızneske jaıly saıasaty men qolaıly salyǵy arqyly halyqaralyq kompanııalar men tehnologııalyq startaptardy ózine tartady. Ol sondaı-aq ınnovatsııalyq mektepter men ýnıversıtetterdi qoldaý arqyly bilim men ǵylymdaǵy jetistikterin eselep otyr»,-dep jazdy Pavel Dýrov Telegram paraqshasynda.
Onyń aıtýynsha, 20 mln qazaqstandyqtyń 12,5 mıllıony aı saıyn Telegram paıdalanady.
Bul ótken jylmen salystyrǵanda 25 paıyzǵa artyq.
«Biz qazaq halqynyń negizgi kommýnıkatsııalyq alańy bola alǵanymyzdy maqtan etemiz jáne onyń jyldam ekonomıkalyq jáne tsıfrlyq transformatsııasyn jedeldetetin qural bolyp qala beremiz degen úmittemiz» deıdi bıznesmen.
