Sulýken Rahmadıeva - «Eńbegi sińgen ónertapqysh» ataǵyn ıelengen tuńǵysh áıel
ASTANA. 24 mamyr. QazAqparat - «Shabyt» shyǵarmashylyq saraıynda «Shapaǵat» baıqaýynyń jeńimpazdaryn marapattaý saltanatynda «Qazaqstan Respýblıkasyna eńbegi sińgen ónertapqysh» ataǵy Sulýken Rahmadıevaǵa berildi.
Bul týraly L.N. Gýmılev atyndaǵy EUÝ baspasóz qyzmetinen habarlaıdy.
Ulttyq zııatkerlik menshik ınstıtýty túrli joǵary oqý oryndary men kásiporyndardyń ókilderinen quralǵan 200 úmitker arasynda 6 adamdy jeńimpaz retinde tanyǵan.
10-shy mereıtoılyq «Shapaǵat» baıqaýynyń qorytyndysy boıynsha marapattaý saltanaty VI AEF «Zııatkerlik menshikti ǵalamtor júıesinde qorǵaý: problemalary men bolashaǵy» paneldi sessııasy jumysynyń aıasynda ótti.
Elimizdegi tuńǵysh ónertapqysh áıel hımııa ǵylymdarynyń doktory, professor Sulýken Rahmadıeva L.N. Gýmılev atyndaǵy Eýrazııa ulttyq ýnıversıteti bıorganıkalyq hımııa ǵylymı-zertteý zerthanasynyń dırektory qyzmetin atqarýda. Ol 250-den astam ǵylymı jumystardyń avtory, QR-diń 32 patentin jáne KSRO avtorlyq kýálikteriniń, taýar belgisi kýálikteriniń, jańa dári-dármekterdiń tirkeý kýálikteriniń, óndiristegi ónerkásiptik reglamentterdiń ıegeri.
