Sulý, Ádemi, Dara: Aqtóbede úshem ómirge keldi

AQTÓBE. KAZINFORM – Aqtóbe perınataldyq ortalyǵynda Sulý, Ádemi, Dara esimdi úshem jaryq dúnıe esigin ashty. 

Aqtóbe oblystyq perınataldyq ortalyqtyń baspasóz qyzmetiniń habarlaýynsha, 32 jastaǵy jas ana úsh sábıdi ómirge ákeldi. Mektep muǵalimi men kenshiniń otbasynda eki ul bolsa, endi úsh qyz ómirge kelip, kópbalaly otbasy qataryna qosyldy.

- Sábıler kesir tiligi arqyly dúnıege keldi. Otaǵa bólim meńsherýshisi A.Amrkýlova, akýsher-gınekolog N.Ibraev, akýsher Sh. Mýhambetkalıeva, neonatolog G.Janına, reanımatolog S.Asanova sııaqty mamandar qatysty. Olar úsh sábıdiń de, anasynyń da ómirin aman saqtap qaldy. Sulýdyń salmaǵy 1 920, Ádeminiń salmaǵy 1 630, Daranyń salmaǵy 1 592 gr boldy. Balalar arnaıy kútý bóliminde salmaq qosyp, tıisti em-sharalaryn qabyldap jatyr. Anasy bóbekterdiń janynda. Tórteýiniń de jaǵdaıy turaqty, - dep habarlady Aqtóbe oblystyq perınataldyq ortalyqtyń baspasóz qyzmeti.

Eske sala keteıik, buǵan deıin Túrkistan men Atyraýda úshem júnıege kelgenin habarlaǵan bolatynbyz.