Soltústikti tuman basyp, ońtústikte shańdy daýyl turady — sınoptıkter
ASTANA. KAZINFORM — Qazgıdromet 27 mamyr kúngi aýa raıy boljamyn jarııalady.
Sınoptıkterdiń boljaýynsha, soltústik-batys tsıklonnyń jyrasy jáne atmosferalyq frontaldy bólikterdiń ótýimen Qazaqstan aýmaǵynyń basym bóliginde turaqsyz aýa-raıy saqtalady. Biraz óńirde naızaǵaı oınap, jańbyr aralas burshaq jaýady, qatty jel soǵady. Elimizdiń batysynda, soltústik-batysynda, ońtústiginde, ońtústik shyǵysynda, ortalyǵynda jańbyr jaýady. Tek respýblıkanyń shyǵysynda jaýyn-shashynsyz aýa raıy kútiledi.
Respýblıka boıynsha jel kúsheıip, ońtústik-batysta, ońtústikte shańdy daýyl turady. Túnde jáne tańerteń soltústikti tuman basady.
Atyraý, Batys Qazaqstan, Qaraǵandy, Aqtóbe, Ulytaý, Jetisý oblystarynda, Mańǵystaý oblysynyń soltústiginde, shyǵysynda, ortalyǵynda, Qostanaı oblysynyń soltústik-batysynda, batysynda, ońtústiginde, shyǵysynda joǵary órt qaýpi kútiledi. Mundaı boljam Aqmola oblysynyń ońtústigine, batysyna, Soltústik Qazaqstan oblysynyń batysyna, soltústik-shyǵysyna, Qyzylorda oblysynyń batysyna, ortalyǵyna, Jambyl, Almaty oblystarynyń soltústigine de jasalǵan. Sondaı-aq Shyǵys Qazaqstan oblysynyń batysynda, ońtústiginde, Abaı oblysynyń soltústik-batysynda, ońtústiginde, ortalyǵynda da joǵary órt qaýpi kútiledi.
Al tótenshe órt qaýpi Qyzylorda, Qaraǵandy oblystarynyń ońtústiginde, soltústiginde, Manǵystaý oblysynyń soltústik-shyǵysynda, Atyraý oblysynyń ortalyǵynda, soltústik-shyǵysynda, Aqtóbe oblysynyń ońtústiginde, shyǵysynda boljanǵan. Sonymen qatar Pavlodar oblysynyń soltústik-shyǵysynda, Jetisý, Abaı oblystarynyń shyǵysynda, Ulytaý oblysynyń shyǵysynda, ońtústiginde, ortalyǵynda, Túrkistan oblysynyń soltústiginde, Aqmola oblysynyń ońtústik-shyǵysynda da tótenshe órt qaýpi kútiledi.
