Sultanbek Mákejanov: Basty maqsatymyz – Jańa Qazaqstandy qurý
«Memleket basshysy Qasym-Jomart Toqaev búgingi Qazaqstan halqyna arnalǵan Joldaýynda elimizdiń saıası júıesiniń keshendi jańǵyrý baǵdarlamasyn usyndy. Baǵdarlama qoǵam qajettiligi men suranysyna baılanysty negizdelgenin de erekshe atap ótti. Baǵdarlamanyń birinshi baǵytynda Prezıdent ókilettigin qysqarta otyryp, ókildik bılik tarmaǵyn, ıaǵnı Parlament rólin nyǵaıtý joldaryn jan-jaqty taldap, naqtylap kórsetti. Saılaý júıesin jetildirý – azamattardyń memlekettiń basqarý isindegi rólin arttyrý úshin baǵytalǵandyǵy týraly da baıandaldy. Majorıtarlyq saılaý arqyly árbir azamat Parlament, máslıhat depýtattyǵyna saılana alady», - dedi senator.
Onyń atap ótýinshe, parasatty halqy bar elimiz qýatty memlekettiń negizi degen qaǵıdany usynǵan Prezıdent on shaqty keshendi reformanyń erekshelikteri men baǵyttaryna jeke-jeke toqtaldy.
«Joldaý elimizdiń áleýmettik ádilettikke, básekege qabiletti basymdyqtarǵa negizdelgen damýdyń jańa qaǵıdattary jónindegi is-qımyldyń keshendi strategııasyn belgiledi. Onda kóppartııalyqty saıası básekelestikti, oı-pikirdiń san-alýandylyǵyn damytýǵa yqpal etetin aýqymdy mindetter qoıyldy. Partııalar sany kóbeıetini sózsiz. Sebebi jańa partııa qurý úshin, tirkeý sany 20 myńnan 5 myńǵa deıin azaıtyldy. Ulttyq quryltaı, Joǵary aýdıtorlyq palata, Konstıtýtsııalyq sottyń qurylýy jáne jańa úsh oblystyń ashylýy, halyqtyń qajettiligin tez arada sheshetin «Halyq únine qulaq asatyn memleket» tujyrymdasatyn damytýǵa baǵyttylǵan saıası reformalardyń jalǵasy sanalady», - dedi ol.
Senator reformalardy júzege asyrý barysynda Konstıtýtsııanyń 30-dan astam babyna, 7 Konstıtýtsııalyq zańǵa jáne 15 asa zańǵa ózgeris engizý kózdelip otyrǵandyǵyn aıtady.
«Memleket basshysynyń bastamalaryn tolyq qoldaı otyryp, Joldaýdaǵy mindetterdi oryndaý úshin, toptasýǵa jáne halqy myqty, qýatty, gúldengen – Jańa Qazaqstandy birge qurýǵa shaqyramyn. Jańa Qazaqstandy birge quraıyq!», - dedi Sultanbek Mákejanov.
Foto: almaty.tv