Sultanbek Aıbaruly álem kýbogynda altynǵa talasady

ASTANA. KAZINFORM - ASTANA. KAZINFORM - World Boxing federatsııasynyń uıymdastyrýymen ótip jatqan álem kýbogynda Sultanbek Aıbaruly (85 keli) fınalǵa shyqty.

Álem kýbogynyń jeńimpazy Sultanbek Aıbaruly 1/2 fınalda Germanııa boksshysy Valerıj Valtermen judyryqtasty.

Qarsylas alǵashqy raýndtan shabýylǵa umtylyp, basymdyqty qolǵa alýǵa tyrysty. Al Sultanbek óz kezeginde aıaqpen sheber qımyldap, Valerıjdiń aldyn orap ketti. Qorytyndy esep: 5:0. Sultanbek endi altynǵa talasady.

Aıta ketsek, budan buryn Vıktorııa Grafeeva (60 keli) polshalyq Aneta Elzıveta Rygelskany jeńse, Jibek Jarasqyzy (80 keli) sol eldiń taǵy bir ókili Emılııa Koterskaǵa ese jiberdi.

Bedeldi báseke Brazılııanyń Fos-dý-Igýasý qalasynda 20-26 sáýir aralyǵynda ótkizilip jatyr.
Endi el quramasynan keshki sessııada Aıda Ábikeeva (65 keli) belgııalyq Oshın Dırııý, Alýa Balqybekova (51 keli) qytaılyq Ksınıý Kı, Dıas Moljigitov (80 keli) brazılııalyq Ýonderleı Pereıramen sharshy alańǵa shyǵady.