Sultan Zaýrbek kásipqoı bokstaǵy 20-shy jeńisine qol jetkizdi
ASTANA. KAZINFORM — Ekinshi orta salmaqta judyryqtasatyn qazaqstandyq boksshy Sultan Zaýrbek (19-0, 13 KO) kásipqoı mansabynda 20-shy jekpe-jeginde jeńiske jetti.
Qazaqstandyq boksshy Astanada ótip jatqan «Battle of the Brave» boks keshinde sharshy alańǵa shyǵyp, Ońtústik Afrıka eliniń ókili Azınga Fýzılemen (18-2, 12 KO) qolǵap túıistirdi.
Boksshylar IBF Intercontinental tujyrymy boıynsha ekinshi orta salmaqtaǵy chempıondyq beldikti sarapqa saldy.
10 raýndtyq jekpe-jektiń qorytyndysy boıynsha otandasymyz qarsylasynan tóreshilerdiń bir aýyz sheshimimen basym tústi.
Osylaısha, Sultan Zaýrbek kásipqoı mansabyndaǵy 20-shy aıqasynda jeńiske jetti.
Eske salaıyq, búgingi keshtiń basty jekpe-jeginde el tarıhynda alǵash ret IBF jáne WBO tujyrymy boıynsha orta salmaqtaǵy álem chempıony Jánibek Álimhanuly (16-0, 11 KO) óz belbeýin Frantsııadan kelgen úmitker Anaýel Ngamıssıngege (14-0, 9 KO) qarsy qorǵaıdy.
Osyǵan deıin habarlaǵanymyzdaı, Sultan Zaýrbek bolashaqta tanymal brıtanııalyq Matchroom Boxing promoýterlik kompanııasymen kelisimshart jasasýy múmkin.