Sultan Záýirbek nokaýttan keıin birden 93 satyǵa kóterildi

NUR-SULTAN. QazAqparat - Qazaqstandyq kásipqoı boksshy, jeńil salmaqta óner kórsetetin Sultan Záýirbektiń (7-0, 5 KO) Boxrec.com bedeldi saıtyndaǵy reıtıngi aıtarlyqtaı joǵarylady, dep habarlaıdy QazAqparat Sports.kz-ke silteme jasap.

Ýels astanasy Kardıfte nıkaragýalyq Serhıo Gonsalesti (10-16-5, 7 KO) nokaýtpen jeńgen soń, Záýirbek birden 93 saty joǵarylap, 280-orynǵa shyqty. Ol qarsylasyn jekpe-jektiń aıaqtalýyna 16 sekýnd qalǵanda tehnıkalyq nokaýtqa jibergen bolatyn.

Eske salaıyq, Záýirbek kelesi aıqasyn 6 shildede Nur-Sultan qalasynda ótkizedi. Qazaqstandyq jas boksshynyń múddesine MTK Global belgili promoýterlik kompanııasy ókildik etedi.

22 jastaǵy boksshy altynshy jekpe-jegin BAÁ-de qytaılyq Chen Hýntaoge (7-5-1, 5KO) qarsy ótkizip, besinshi raýndta ony nokaýtqa túsirdi. Aıta keteıik, S.Záýirbek onyń aldynda ótken besinshi kezdesýin de nokaýtpen aıaqtaǵan bolatyn.