Sultan Záýirbek Londondaǵy boks keshinde qarsylasyn nokaýtqa túsirdi

NUR-SULTAN. QazAqparat – Qazaqstandyq boksshy Sultan Záýirbek (12-0, 8 KO) Londondaǵy York Hall-da ótken boks keshinde «Pıtbýl» degen laqap atpen belgili argentınalyq Nıkolas Botellıdi (11-6, 6 KO) jeńdi, dep habarlaıdy QazAqparat Sports.kz saıtyna silteme jasap.

Sultannyń ekinshi jartylaı jeńil salmaqta WBO European chempıony bolǵanyna qaramastan ol Botellımen ataqqa talasqan joq. Jekpe-jek 10 raýndqa eseptelgen bolatyn. Qazaqstandyq qarsylasyn 5-shi raýndta nokaýtqa túsirdi.

Bul rette úshinshi raýndta tóreshiniń Sultanǵa nokdaýn jarııalaǵanyn aıta ketý kerek.

Osylaısha, Sultan Záýirbek kásibı bokstaǵy karerasynda 13-shi ret jeńiske jetti. Al Nıkolas Botellı 7-shi ret jeńildi. Sultan aldymen maltııalyq Haıtem Lamýzben (17-1, 7 KO) judyryqtasýy kerek edi. Alaıda ol jaraqatyna baılanysty jekpe-jek aldynda jarysqa qatysa almaıtynyn málimdedi.