Sultan Sartaev: Naýryz - Jańa jyldyń jarshysy
ALMATY. 21 naýryz. QazAqparat - Naýryz - tirshiliktiń bastaýy. Bul tek shyǵys halyqtarynyń ǵana emes, kúlli tirshilik ıesi úshin uly mereke.
Bul aıda jyl jańarady. Sondyqtan Naýryz - Jańa jyldyń jarshysy. QR UǴA akademıgi, zań ǵylymdarynyń doktory Sultan Sartaev búgin Almatydaǵy Halyqaralyq Naýryz merekesi kezinde osylaı aıtty.
QR Eńbek sińirgen qaıratkeriniń pikirinshe, jyldyń gúldený, kórkeıý merekesi barsha adamzattyń ortaq merekesi. Ony merekeleý arqyly memlekettiń, halyqtyń damý deńgeıi kórinedi. Qystan qysylyp shyqqan barlyq tirshilik ıesi erini aqqa, aýzy kókke tıip máre-sáre bolyp jańa kúnge jańa qadamdaryn jasaıdy. Onda násildik, ulttyq, jynystyq, áleýmettik jáne jas jaǵdaıyna qaraı eshqandaı shekteý bolmaıdy. Tek árbir ult pen ulys óziniń geografııalyq, turmystyq, mádenı ereksheline qaraı ár ýaqytta, ártúrli jaǵdaıda atap ótedi.
