Sultan Ibragım Malaızııanyń 17-shi patshasy boldy
ASTANA. KAZINFORM – Malaızııanyń Djohor shtatynyń sultany Ibragım resmı túrde eldiń 17-shi patshasy atandy. Sársenbi kúni ol ulttyq saraıda ótken rásimde ant berdi, dep habarlaıdy Reuters.
65 jastaǵy Ibragım bul qyzmetke Abdolla Rıaııatýddın Ál-Mustafanyń ornyna keldi. Burynǵy korol qaıtadan óziniń Pahang shtatyn basqarady.
Eldegi monarhııanyń biregeı júıesiniń aıasynda Malaızııadaǵy koroldik toǵyz otbasynyń basshylary árbir bes jyl saıyn kezekpen patsha bolyp saılanady.
Malaızııa koroli (ıAng dı-Pertýan Agong) negizinen saltanatty jáne ókildik qyzmet atqarady. Ol premer-mınıstr jáne mınıstrler kabınetiniń keńesine júginip áreket etedi, biraq federaldy konstıtýtsııaǵa sáıkes oǵan keıbir dıskretsııalyq ókildikter, sonyń ishinde premer-mınıstr taǵaıyndaý quqyǵy beriledi.
