Súleımenovanyń Májilistegi ókilettigi toqtady

ASTANA. KAZINFORM — Búgin Parlament Májilisiniń jalpy otyrysynda depýtattyń ókilettigi toqtatyldy. 

QR Ortalyq saılaý komıssııasynyń múshesi Azamat Aımanakýmov Juldyz Súleımenovanyń basqa qyzmetke aýysýyna oraı onyń depýtattyq ókilettigin merziminen buryn toqtatý týraly usynymdy jarııalady.

Palata otyrysynda depýtattyń ókilettigin toqtatý jónindegi qaýly qabyldady.

Eske salsaq, 29 qyrkúıekte Memleket basshysynyń Jarlyǵymen Juldyz Dosbergenqyzy Súleımenova Qazaqstan Respýblıkasynyń Oqý-aǵartý mınıstri bolyp taǵaıyndalǵan edi. 

Ol buǵan deıin VII saılanǵan Qazaqstan Respýblıkasy Parlamenti Májilisiniń depýtaty, 2023 jyldan bastap VIII saılanǵan Parlament Májilisiniń depýtaty, Áleýmettik-mádenı damý komıtetiniń múshesi boldy.