Súleımenov memlekettik-jekeshelik áriptestik tetigi júzege asyrylmaǵan salalardy atady

ASTANA. QazAqparat - Aǵymdaǵy jyldyń 10 aıynda 845 mlrd teńgege 192 memlekettik-jekeshelik áriptestik sharty jastaldy. Bul týraly búgin Úkimet otyrysynda memlekettik-jekeshelik áriptestikti damytý miseleleri boıynsha baıandaǵan  QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

«Aǵymdaǵy jyldyń 15 qazandaǵy jaǵdaıǵa sáıkes 1,1 trln teńgege 443, al osy jyldyń 10 aıynda - 845 mlrd  teńge somaǵa 192 shart jasaldy. Atalǵan kezeńde 142 mlrd teńge somasyna 275, al 10 aıda - 29,1 mlrd teńgege 49 joba paıdalanýǵa berildi. Qosymsha daıyndyqtyń ár túrli satysynda jalpy somasy 1,5 trln  teńgege 721 joba bar. 2018 jyldyń 10 aıynda jobalar ósimi  253-ti  qurady. Salalyq bóliniste jasalǵan 449 jobanyń kópshiligi bilim berý, densaýlyq saqtaý, mádenıet jáne sport  salalarynda iske asyrylady», - dedi mınıstr.

Onyń dereginshe, áriptestik tetigi sýmen jabdyqtaý, ınjenerlik ınfraqurylym sııaqty negizgi salalarda iske asyrylmaı jatyr.

«Osyǵan oraı memlekettik organdarǵa osy baǵyttaǵy jumysty bastaý usynylady. Joǵaryda atalǵan sharttardyń negizgi úlesi óńirlerde. Bul  - 221,1 mlrd teńgege 440  joba. 2018 jyly jasalǵan sharttar sany boıynsha Almaty qalasy, Shyǵys Qazaqstan, Qostanaı  jáne Aqmola  oblystary kóshbasshy bolyp tabylady. Atalǵan jobalarǵa tartylǵan ınvestıtsııalar kólemi 100,6 mlrd teńgeni quraıdy», - dedi ol.

Tımýr Súleımenovtiń aıtýynsha, tartylǵan ınvestıtsııalar boıynsha osy jyly Astana qalasy, Qostanaı, Aqtóbe, Shyǵys Qazaqstan oblystary kóshbasshy bolyp otyr.