Súleımenov 5 paıyzdyq ınflıatsııa mejesi týraly: Aryqtaǵyńyz kelse, maqsatyńyz aıqyn bolý kerek

ASTANA. KAZINFORM — Ulttyq bank tóraǵasy Tımýr Súleımenov BAQ ókiliniń suraǵyna bergen jaýabynda ınflıatsııa dálizin 5 paıyz kólemine túsirý týraly meje ózgermeıtinin aıtty. 

— Shyndyǵynda 5 paıyzdyq ınflıatsııa mejesi ózgermeý kerek dep oılaımyz. Bul mejege jetý jyldamdyǵy ártúrli bolýy múmkin ekeni anyq. Inflıatsııany ýshyqtyratyn faktor kóp. Bul — tarıf reformasy, baǵa reformasy, ekonomıkadaǵy artyq aqsha, belgili bir syrtqy baǵa qysymy jáne t. b. Bul faktorlar ınflıatsııa maqsatyna jetýdi baıaýlatatyny anyq. Biraq ony aýystyrý, bizdiń oıymyzsha, múldem múmkin emes jáne keri áser berýi múmkin. Maqsatty neǵurlym kóp ózgertseńiz, oǵan degen senim soǵurlym tómendeı beredi, — degen Ulttyq basshysy bul ustanymdy qarapaıym mysalmen túsindirdi.

Mınıstr 5 paıyzdyq ınflıatsııa týraly qarapaıym mysal keltirip ketti. 

— Men buǵan qarapaıym mysal keltirer edim. Eger men artyq salmaqtan arylǵym kelse, bastapqy maqsatymdy ózgertpeýim kerek. 10 kılogramm aryqtaımyn dep sheshtik deıik. Bul mejeni bir ret ózgertsem, keıin 5 kılogramǵa nemese 3 kılogramǵa dep tómendete berýim múmkin. Olaı bolmaýy kerek. Biz ınflıatsııa ekonomıkalyq ósimge, azamattardyń áleýmettik ál-aýqatyn qamtamasyz etýge, jaqsy ınvestıtsııalyq ortaǵa sáıkes keletin deńgeıde bolǵanyn kórgimiz keledi. Bul deńgeı — 5%, — dedi Tımýr Súleımenov

Aıta keteıik, búgin Ulttyq bank bazalyq mólsherlemeni ózgerissiz qaldyrdy.