Súleımen sultannyń molasy tabyldy
ASTANA. QazAqparat - Majarstandyq tarıhshy 1566 jyly Sıgetvara qalasyn qorshaýǵa alý kezinde qaza tapqan túrik uly sultany Súleımenniń beıiti tabylǵanyn jarııalady. Bul týraly Associated Press habarlady.
Pechsk ýnıversıtetiniń tarıhshysy Norbert Pap (Norbert Pap) qazba jumystary kezinde ǵalymdar artefakttarǵa tap bolǵanyn aıtty. Pap sultannyń mazary onyń áskeri qalany qorshaýǵa alǵan kezde shatyry ornalasqan jerde degen boljam jasady.
Alaıda gıpotezany rastaý úshin qazba jumystaryn júrgizý kerek. Bul 2016 jyldyń kókteminde ǵana múmkin bolady.
Súleımen sultan 71 jasynda qaza tapty. Ol Osman ımperııasynyń uly sultany bolyp sanalady. Ol basqarǵan kezde (46 jyl) túrikter Balqan, Ortalyq Shyǵys jáne soltústik Afrıkadaǵy ıeligin keńeıtti.
Sultannyń mazary Vengrııadaǵy burynǵy túrik qonysynda ornalasqan. Ony 1680 jyldary buzyp tastaǵan, keıin 2013 jyly ǵana tapty (tarıhshy Pap).
Tarıhshylardyń pikirinshe, beıitke Súleımenniń júregi men ózge de ishki organdaryn salǵan. Al denesin Ystambulǵa jetkizip, Súleımen meshitiniń zıratyna jerlegen. Sultannyń ólimin 48 kún boıy jasyrǵan.
