Súleımen Demırel atyndaǵy ýnıversıtet Qazkommertsbankpen birlesip SDU Card kópfýnktsııaly tólem kartalaryn shyǵara bastady
ALMATY. 12 maýsym. QazAqparat - Joǵary oqý ornynyń stýdentteri men qyzmetkerlerine arnalǵan SDU Card tólem kartalary qyzmet aýqymy jaǵynan biregeı ónim bolyp otyr.
Bul jaıly jobany júzege asyrýshylar búgin Almatyda ótkizgen baspasóz máslıhatynda málim etti.
«Bular tıimdilik pen qaýipsizdiktiń barlyq standarttaryna saı keledi», - deıdi Qazaqstandaǵy MasterCard ókildiginiń basshysy Genııat Isın. Onyń aıtýynsha, 4 myń teńgege deıingi tranzaktsııalarǵa qoltańba qajet emes. Júrgizilgen zertteýlerge qaraǵanda, bank kartochkalary negizinen aqsha alý úshin paıdalanylady. Sondyqtan Qazkommertsbank pen S. Demırel atyndaǵy ýnıversıtettiń standartty emes tólemder tehnologııasyna qatysty bul jobasyna qyzyǵýshylyq óte joǵary.
