Sýıtsıdti nasıhattaǵan 150-den astam fakti anyqtaldy – Aqparat mınıstrligi

ASTANA. KAZINFORM – Jyl basynan beri elimizde sýıtsıdti nasıhattaǵan 157 fakti anyqtaldy. Bul týraly Mádenıet jáne aqparat mınıstriniń orynbasary Qanat Ysqaqov málim etti. 

«Bıyl 9 aıda sýıtsıd pen zańsyz kontentti nasıhattaıtyn aqparatty ornalastyrýdyń 157 faktisi anyqtaldy. Onyń ishinde 20 fakti áleýmettik jelilerde jarııalanǵan, sol sııaqty 50-den astam ınternet resýrs buǵattaldy», — dedi Qanat Ysqaqov elordada ótip jatqan Astana Media Week is-sharasy barysynda BAQ ókilderiniń saýalyna jaýap bere otyryp. 

Sondaı-aq, vıtse-mınıstr búginde vedomstvonyń Telegram, Meta, TikTok sekildi onlaın-platformalardyń ókilderimen birlesken belsendi jumystyń júrip jatqanyn aıtty.

«Aıta ketý kerek, atalǵan platformalar sýıtsıd pen zańsyz kontenttermen tıimdi kúresip jatyr. Bul olardyń jaýapkershiligi men ishki tártipti qatań saqtaıtynyn kórsetedi. Óıtkeni, zańsyz kontentter olardyń ishki saıasatyna qaıshy. Endigi maqsat teris mazmundy kontentterdi buǵattaý ǵana emes, onyń aldyn alyp, aqparatty súzgiden ótkizý. Osy oraıda moderatsııa qyzmeti kúsheıtiledi», — dedi Q. Ysqaqov.

Aıta keteıik, elordada Astana Media Week aptalyǵy ótip jatyr. Dástúrli sharanyń bıylǵy taqyryby «Medıanyń áseri jáne tsıfrlyq úndestik».