Sýıtsıdke beıim jastar áskerge alynbaıdy
ASTANA. KAZINFORM — Qazaqstan armııasynda PSY-táýekel júıesi engizilip jatyr. Endi psıhoemotsıonaldy aýytqýlary bar jastar áskerge shaqyrylmaıdy, dep habarlaıdy Qorǵanys mınıstrligi.
Qazaqstanda áskerge shaqyrylýshylardy irikteýdiń jańa ádistemesi — PSY-sýıtsıdtik minez-qulyqqa beıimdilikti erte anyqtaýǵa baǵyttalǵan táýekeldi aýqymdy engizý bastalady. Innovatsııa jeke quramnyń psıhologııalyq turaqtylyǵyn arttyrýǵa jáne áskerdegi qaıǵyly oqıǵalardyń aldyn alýǵa arnalǵan.
PSY-táýekel ádistemesin Qorǵanys mınıstrliginiń áskerı psıhologteri ázirledi. Jańa joba 2025 jylǵy kóktemgi shaqyrý kezinde sátti synaqtan ótti. Sonyń nátıjesinde sýıtsıdke beıimdilik belgileri bar 470-ten astam jas anyqtalyp, olardyń bári qyzmetten bosatyldy nemese qosymsha tekserýge jiberildi.
Jańa júıe bastapqy skrınıngti, tereń psıhologııalyq tekserýdi jáne qajet bolǵan jaǵdaıda psıhıatrııalyq saraptamany qamtıtyn psıhodıagnostıkanyń kóp satyly mehanızm sanalady. Maqsat – psıhoemotsıonaldyq turaqtylyǵy álsiz, ıaǵnı áskerı qyzmetke psıhologııalyq turǵydan daıyn emes adamdardy ásker qataryna almaı, aldyn ala anyqtaý.
PSY-táýekeldi engizý máseleleri QR QK Ulttyq áskerı-patrıottyq ortalyǵynda ótken vedomstvoaralyq jumys toby otyrysynyń negizgi taqyrybyna aınaldy. Onyń quramyna Qorǵanys, Іshki ister, Densaýlyq saqtaý, Ǵylym jáne joǵary bilim mınıstrlikteriniń ókilderi, sondaı-aq Ulttyq qaýipsizdik komıtetiniń, Memlekettik kúzet qyzmetiniń jáne basqa da memlekettik qurylymdardyń mamandary kirdi.
Qorǵanys mınıstrligi Tárbıe jáne ıdeologııalyq jumystar departamenti psıhologııalyq jáne áskerı-áleýmettik jumys basqarmasynyń bastyǵy podpolkovnık Arman Qalyshevtiń aıtýynsha, bastama Úkimettiń tapsyrmasy boıynsha iske asyrylyp jatyr jáne áskerge shaqyrý naýqany sheńberinde júıeli profılaktıkanyń bir bóligi bolady.
— Biz psıhologııalyq turaqsyzdardy elekten ótkizip qana qoımaı, bolashaq áskerı bólimderdiń ujymdaryn yqtımal qaýipti jaǵdaılardan qorǵaýǵa tyrysamyz. Bul bólimshelerdegi densaýlyq, ómir jáne moraldyq ahýal qatysty, — dedi podpolkovnık Arman Qalyshev.
Elimizdiń barlyq óńirinde PSY-táýekeldi kezeń-kezeńimen engizý týraly sheshim qabyldandy. Innovatsııa irikteý tıimdiligin arttyrady, armııadaǵy shtattan tys jaǵdaılardyń sanyn azaıtyp, jas áskerı qyzmetshilerdiń psıhıkalyq densaýlyǵyn nyǵaıtýdaǵy mańyzdy qadam bolady dep kútilip otyr.
Aıta keteıik, dúnıejúzi elderiniń arasynda Qazaqstan sýıtsıd sany boıynsha ókinishke qaraı jetekshi orynda. Ózine qol jumsaıtyndardyń kóbi — 15-19 jas aralyǵyndaǵy jasóspirimder. Buǵan deıin Kazinform cýıtsıdtiń aldyn alý joldaryn zerdelep kórdi.