Aqmola oblysynda 14 jastaǵy qyzdyń ózine qol salýy: óler aldynda qaıta týý týraly manhva nusqaýlyǵyn qaraǵan
ASTANA. KAZINFORM - Qazan aıynyń basynda Arshaly aýdanynyń bir aýylynda 2010 jylǵy A.-nyń óz-ózine qol jumsap qaıtys bolǵan denesi tabyldy, dep habarlaıdy Aqmola oblysy prokýratýrasynyń baspasóz qyzmeti.
Belgili bolǵandaı, kámeletke tolmaǵan A. óz-ózine qol jumsaýdyń aldynda ınternette alty túrli túıinder týraly materıaldy jáne qaıta týý týraly manhva nusqaýlyǵyn qaraǵan.
Manhva – bul Ońtústik Koreıada keńinen tanymal komıks, ol koreı mádenıetin, dástúrlerin jáne oılaý tásilin beıneleıdi.
Manhva kontseptsııasy jańa denede, uqsas álemde nemese ótken ómirinde qaıtadan ómir súrý múmkindigin nasıhattaıdy.
"Óz-ózine qol jumsaýdy nasıhattaý belgileriniń bolýyna baılanysty 2024 jyldyń 8 qazanynda Arshaly aýdanynyń prokýratýrasy Qazaqstan Respýblıkasy Qylmystyq kodeksiniń 313-1 baby boıynsha sotqa deıingi tergeýdi bastady", - dep habarlady Aqmola oblysynyń prokýrory Rýfat Quttyqov.
Qylmystyq isti tergeý arnaıy prokýrorǵa tapsyrylyp, tergeý barysy baqylaýǵa alyndy.
Qazaqstan Respýblıkasynyń Qylmystyq-protsestik kodeksiniń 201-babynyń talaptaryna sáıkes basqa aqparat jarııalaýǵa jatpaıdy.
Osyndaı jaǵdaılardy boldyrmaý maqsatynda ata-analardy (qamqorshylardy) balalardyń gadjetterdi paıdalanýyn baqylaýǵa shaqyramyz, tek paıdalaný ýaqytyn shekteý ǵana emes, suraýlardyń taqyrybyn da tekserý mańyzdy.
Aıta keteıik, buǵan deıin Aqmola oblysynda 14 jasar qyz óz-ózine qol salǵanyn jazǵan edik.
Aqmola oblysy PD baspasóz qyzmetiniń málimetinshe, oqıǵa qazannyń 1-inde Arshaly aýdanynyń Jibek joly aýylynda bolǵan.
