Sýıtsıd: Astanada áıel adam terezeden sekirip ketti

Elordada áıel terezeden sekirip qaıtys bolǵan. Qazir tergeý amaldary júrip jatyr, dep habarlaıdy Kazinform Astana qalalyq polıtsııa departamentiniń baspasóz qyzmetine silteme jasap. 

Aqparatta aıtylǵandaı N. Tilendıev dańǵylynda áıeldiń qaza bolý faktisi boıynsha elordalyq polıtsııa qyzmetkerleri QR Qylmystyq kodekstiń 105-babyna sáıkes «sýıtsıdke jetkizý» boıynsha sotqa deıingi tergep-tekserýdi bastady. Qajetti saraptamalar taǵaıyndaldy.

«10 qarashada «102» arnasyna N. Tilendıev dańǵylynyń boıyndaǵy turǵyn úı terezesinen áıeldiń qulaǵany týraly qońyraý tústi. Ol alǵan jaraqattan sol jerde qaıtys boldy. QR Qylmystyq-protsestik kodeksiniń 201-baby negizinde tergeý múddesinde sotqa deıingi tergep-tekserýdiń ózge de derekteri jarııa etilýge jatpaıdy», - deıdi polıtsııadan.