Sýyq pen aıaz Túrkııany lımon eksportyn toqtatýǵa májbúr etti
ANKARA. KAZINFORM – Túrkııanyń keıbir aımaqtaryndaǵy sýyq aýa raıy men aıaz lımon eksportynyń toqtatylýyna ákeldi. Tıisti sheshimdi 7 sáýirde Túrkııanyń Saýda mınıstrligi málimdedi, dep jazady AZERTADJ.
Vedomstvo mundaı sheshimdi ónimdiliktiń tómendeýi aıasynda ishki suranysty jabý jáne tsıtrýs ónimderi baǵasynyń alypsatarlyq ósýine jol bermeý qajettiligimen túsindirdi.
Saýda mınıstrligi azyq-túlik qaýipsizdigi saıasaty aıasynda Túrkııadan lımon eksportynyń ýaqytsha toqtatylatynyn túsindirdi.
– Jyl mezgilindegi, ásirese Adana, Mersın jáne Hataı sııaqty provıntsııalardaǵy qalypty aýa raıy jaǵdaılaryn eskere otyryp, 8 sáýirden bastap lımon eksportyn toqtatý týraly sheshim qabyldandy. Saýda mınıstrligi naryqtaǵy jaǵdaıdy muqııat qadaǵalaıdy jáne qajet bolǵan jaǵdaıda qosymsha sharalar qabyldaıdy, – dep málimdedi vedomstvo.
Aıta keteıik, AQSh baǵany tómendetý úshin Ońtústik Koreıa men Túrkııadan jumyrtqa ımporttaı bastaǵanyn jazǵan edik.