Sýıtsıd jasamaq bolǵan: Óskemende ústi-basy qan er adam kóshede júrgen

ÓSKEMEN. QazAqparat – Óskemen qalasynda polıtsııa qyzmetkerleri kóshede denesi qan-josa bolyp jalańash júrgen er adamdy ustady, dep habarlaıdy QazAqparat tilshisi.

Áleýmettik jelilerde Óskemende ústi-basy qan bolyp, keýdesi jalańash júrgen er adamnyń vıdeosy tarap ketken. ShQO Polıtsııa departamenti baspasóz qyzmetiniń málimetine súıensek, tártip saqshylary ony Mıhaelıs kóshesinde taýyp, ustady.

«Anyqtalǵandaı, 37 jastaǵy azamat páteriniń podezinde sýıtsıd jasamaq bolyp, óz-ózine dene jaraqattaryn keltirgen. Qazirgi ýaqytta Úlbi polıtsııa bóliminiń qyzmetkerleri QR Qylmystyq kodeksiniń 105-baby 1-bóligine sáıkes sotqa deıingi tergeý amaldaryn bastady. Іs boıynsha tıisti sot-medıtsınalyq saraptamalar taǵaıyndaldy», - delingen aqparatta.

Vedomstvo ókilderi QR Qylmystyq is júrgizý kodeksiniń 201-baby 1-bóligine sáıkes ózge aqparattar jarııa etilmeıtindigin málim etti.