Sýıtsıd jasaǵan 5 adamnyń úsheýi qyz, bireýi qaza tapty
BІShKEK. QazAqparat - Nebári úsh kúnniń ishinde Osh qalasynda bes adam sýıtsıd jasaǵan, bireýi kóz jumdy, dep habarlaıdy Kabar agenttigi.
Osh ІІB baspasóz qyzmetiniń málimetine qaraǵanda, báriniń de mundaı áreketke barýyna bir ǵana: otbasyndaǵy jáne dostary arasyndaǵy túsinispeýshilik sebep bolǵan.
Atap aıtqanda, 15 shildede Kýlatov kóshesinde 16 jasar qyz kóp qabatty úıden sekirip ketken. Ol aýyr halde aýrýhanada jatyr.
Sol kúni 25 jasar boıjetken dımedrol ishken, ony dárigerler ajaldan arashalap qaldy.
Sondaı-aq, Manas-Ata shaǵynaýdanynda túrli dárilerdi jutyp, ózin-ózi óltirmekke árekettengen 21 jasar qyzdy dárigerler qutqardy.
Al Oshtyń ortalyǵynda 21 jasar qyz aspırınniń 20 tabletkasyn qabyldaǵan. Dárigerler ony da ajaldan aman alyp qaldy.
