Súgirdiń shákirti, ataqty kúıshi F. Úrmizov dúnıeden ozdy
ASTANA. QazAqparat - Kenesary hannyń Ábýbákir degen balasynan taraıtyn ulaǵatty urpaq, qazaqtyń belgili kúıshisi Faızolla Úrmizov 95 jasqa qaraǵan shaǵynda dúnıeden ozdy.
Bul týraly belgili kúıshi Janǵalı Júzbaı Feısbýktegi paraqshasynda jazdy.
«Qazaqtyń shertpe kúı mektebiniń negizin qalaýshy, qarataýlyq kúı dástúriniń shyraqshysy, ǵasyrymyzdyń kúı-shejiresi, Súgirdiń tól shákirti Faızolla Úrmizov aqsaqal dúnıeden ozypty. «Áı, kósheli kúı ne teńiń, «Bestóreni» tartqyshyn...» dep shala shertisińdi tyıyp tastaıtyn, aq sóıleıtin aǵa kúıshi edi, jaryqtyq», - dep jazady J. Júzbaı.
Aıta keteıik, Faızola aqsaqal Abylaı hannyń jetinshi urpaǵy sanalady. Qyryq jyl mektepte muǵalim bolyp, aǵartýshylyqpen aınalysqan. Qazaqstannyń eńbek sińirgen muǵalimi. Kúıshiniń «Shejire-dastan» atty kitaby jaryq kórgen.
