Sýǵa túsý maýsymynda adam ómirin qorǵaýdyń keshendi sharalary qarastyrylýda
ASTANA. 15 mamyr. QazAqparat - Qazaqstan Respýblıkasynyń aýmaǵynda 50 myńnan astam sý aıdyndary men 700-den astam shomylýǵa arnalǵan oryndar bar.
Aldaǵy sýǵa túsý maýsymyna oraı Tótenshe jaǵdaılar mınıstrligi sýda adamdar ómirin qorǵaýdyń aldyn alýǵa baǵyttalǵan keshendi sharalardyń keń aýqymdy qyzmetterin qarastyrady. Bul týraly búgin atalǵan vedomstvoda ótken brıfıng barysynda resmı ókil Lıýbov Shaposhnıkova málim etti.
«Aldaǵy maýsymǵa oraı, qaıǵyly oqıǵalardyń aldyn alý maqsatynda sý nysandarynda júzý, shaǵyn kemelerdi paıdalaný, adamdar ómiri men qorshaǵan ortany qorǵaý qaýipsizdigi máseleleri boıynsha azamattarǵa, keme júrgizýshilerine jáne shaǵyn keme ıelerine túsindirý jumystary júrgizilip jatyr. Soǵan qosa, sýǵa túsý maýsymynda vedomstvolyq qutqarý postynyń daıyndyǵy men jabdyqtalýy, súńgýirlerdiń sý astyn tekserýi, eskertý belgilerin qoıý máselelerine qatysty sharalar júzege asady. Budan bólek, ІІD, balyq ınspektsııasy jáne sýda qutqarý qyzmetiniń qyzmetkerleri sý nysandarynda birlesken reıdter uıymdastyratyn bolady», - deıdi TJM resmı ókili L. Shaposhnıkova.
Onyń aıtýynsha, elimizdegi sýdaǵy tótenshe jaǵdaılardyń aldyn alý men olardy joıý, sýda qutqarý jáne súńgý-izdeý jumystary boıynsha respýblıka aýmaǵynda 57 sýda qutqarý stansasy, 22 qutqarý posty, 7 manevrli-izdeý toby jáne 13 sýda qutqarý qyzmetiniń apattyq-qutqarýshy súńgýirler jasaǵy, jalpy shtattyq sany 911 birliktegi qutqarýshylar qyzmet etetin bolady.
