Sýǵa shomylyp júrip 2 adam batyp ketti
ASTANA. Shildeniń 24-i. QazAqparat - Ótken táýlikte elimizdiń sý qoımalarynda eki birdeı qaıǵyly oqıǵa oryn aldy. Sýǵa shomylyp júrgen egde jastaǵy azamat pen 20-daǵy jigit sýǵa ketti, dep habarlady QR Tótenshe jaǵdaılar mınıstrliginiń baspasóz qyzmetinen.
Birinshi qaıǵyly oqıǵa juma kúni saǵat 14:00-de Almaty oblysynyń Panfılov aýdanyna qarasty Jarkent qalasynda oryn aldy. Sýǵa shomylyp júrgen 58 jastaǵy azamat Ósek ózenine batyp ketti. Onyń denesin 4 saǵattan keıin QR TJM sýdan qutqarý qyzmetiniń mamandary alyp shyqty.
Al kelesi oqıǵa osy kúni saǵat 16:30-da Ońtústik Qazaqstan oblysynyń Maqtaaral aýdanyna qarasty Jetisaı qalasynda tirkeldi. «Dostyq» arnasyna shomylyp júrgen 20 jastaǵy jigit sýǵa ketti. Onyń da denesin keshki saǵat 20:00-de QR TJM sýdan qutqarý qyzmetiniń mamandary alyp shyqty.
