Sýǵa shomylyp júrgen balalardy daýyl kótergen aǵashtar basyp qaldy, 20-sy ajal qushty
ASTANA. QazAqparat - Gananyń ortalyq bóliginde sýǵa shomylyp jatqan joǵary synyp oqýshylaryn aǵash basyp qaldy. Olardyń kem degende 20-sy qaza tapty, dep habarlaıdy France Presse agenttigi.
Keleńsiz jaǵdaı týrısterge keńinen tanymal Kıntampo sarqyramasynda oryn aldy. Ulttyq órt sóndirý qyzmeti ókiliniń habarlaýynsha, jasóspirimder shomylyp jatqan kezde alapat daýyl turyp, aǵashtardy qulatqan.
«Olar sýǵa túsip jatqan mezette jel kóterilip, teńiz daýyly turǵan. Alapat daýyl birneshe aǵashtardy tamyrymen kóterip ketken. Olardiń birnesheýi ózende júzip júrgen balalardyń ústine qulaǵan», - dep málim etti órt sóndirý qyzmetiniń ókili.
Mektep oqýshylarynyń basym bóligi - oqıǵa ornynda ajal qushty, al ekeýi keıinirek aýrýhanada kóz jumdy. 11 zardap shegýshi aýrýhanada jatyr. Olardyń arasynda jasóspirimderdi poıyzben alyp kelgen mektep ákimshiliginiń qyzmetkeri de bar.
