Sýǵa shomylýshylardyń qaýipsizdigi úshin 170 akýla aýlandy
ASTANA. QazAqparat - Avstralııa bıligi bıylǵy 25 qańtar men 30 sáýir aralyǵynda akýlany aýlaý boıynsha operatsııa júrgizip, onyń nátıjesinde 170-in ustap, 50 akýlanyń kózin joıdy, dep habarlady SkyNews telearnasy.
Avstralııanyń balyq sharýashylyǵy mınıstri Ken Baston bul operatsııa sátti ótti dep baǵalap otyr. «Aýlanǵan akýlalardyń qaısybiriniń adamdarǵa zalal keltirgenin anyqtaı almasaq ta, úkimet árqashan adam ómirin eń basty qundylyq dep baǵalaıtyn bolady»,- deıdi mınıstr. Aıta keteıik, Avstralııa úkimeti akýla aýlaý baǵdarlamasyn taǵy úsh jylǵa uzartýǵa ruqsat alýǵa nıetti. Óz kezeginde oppozıtsııa ókilderi osy tektes operatsııalar bos sóz ekenin alǵa tartýda. Qazirgi kezde bul baǵdarlamaǵa 22 mıllıon dollarǵa jýyq qarjy jumsalyp otyr. Onyń aıasynda atalǵan jyrtqyshtarǵa avtomatty túrde habar beretin arnaıy datchıkterdi taǵý sharalary qamtylǵan.
