Sýǵa shomylý maýsymy: ishimdik ishken 785 adam jaýapqa tartyldy
ASTANA. KAZINFORM – QR ІІM ákimshilik polıtsııa komıteti basqarma bastyǵynyń orynbasary Aıdyn Orazbaev sý aıdynyndaǵy qaýipsizdik sharalary týraly aıtyp berdi.
Jaz bastalysymen jappaı demalys oryndarynda jasaqtar kóbeıtildi. Jeke quram adamdardy sýdan qutqarýǵa jáne birinshi kómek kórsetý daǵdylaryna úıretiledi. Avtopatrýlder qutqarý sheńberlerimen, jılettermen, arqandarmen jabdyqtalǵan.
«Elimizde júzý, demalý jáne balyq aýlaý úshin paıdalanylatyn 85 myń ózen men 48 myń kól bar. Ákimder sheshimimen 708 buqaralyq demalys orny, 167 kommýnaldyq jáne 425 jeke jaǵajaı, 116 sport jáne týrızm úshin bekitilgen. Sý aıdyndarynda reıdter men túsindirý jumystary júrgizildi, jedel basqarý ortalyqtary kameralarymen qamtyldy», - dedi A. Orazbaev mınıstrlik brıfınginde.
Nátıjesinde tyıym salynǵan jerlerde shomylǵany úshin 1 925 adam jaýapqa tartyldy, alkogoldik ishimdikterdi ishý nemese qoǵamdyq oryndarǵa masań kúıde kelgeni úshin – 785 adam, usaq buzaqylyq úshin – 475 adam jazalandy. Sondaı-aq, polıtsııa qyzmetkerleri sýǵa batqan 14 adamdy qutqarǵan.
«Cýda spırttik ishimdik ishýge bolmaıdy, ruqsatsyz jerlerde shomylmaý qajet, ásire balalardy qaraýsyz qaldyrmaýdy suraımyz. Sebebi adamdardyń sýda qaıtys bolýlardyń basty sebebi qaýipsizdik sharalaryn saqtamaý», - deıdi ІІM ókili.
