Sýǵa sekirýden jasóspirimder arasyndaǵy álem chempıonaty: otandastarymyzdyń nátıjesi qandaı
ASTANA. KAZINFORM — Horvatııanyń Rıeka qalasynda sýǵa sekirýden jasóspirimder arasynda álem chempıonaty ótip jatyr.
Illarıon Avchenko jáne Emıl Kasımov álem birinshiligi aıasynda bir metrlik tuǵyrdan sýǵa sekirý saıysynyń (U18) irikteý kezeńinde baq synady. Nátıjesinde Illarıon 357.25 upaımen 30-oryn alsa, Emıl 338.00 upaımen 34-orynǵa turaqtady. Osylaısha otandastarymyz irikteý kezeńinen óte almady.
Sondaı-aq Aleksandr Podlesnyı úsh metrlik tuǵyrdan sýǵa sekirý saıysynyń (U15) irikteý kezeńinde óner kórsetti. Degenmen 345.45 upaımen 22-orynǵa turaqtap, irikteýden óte almady.
Aıta keteıik, 28 tamyzda Aleksandr Podlesnyı bir metrlik tuǵyrdan sýǵa sekirý saıysynda synǵa túsedi.
Eske salaıyq, buǵan deıin Qazaqstan jeńil atletıkadan Ortalyq Azııa chempıonatynda 26 medal jeńip alǵanyn jazǵanbyz.
