Sýǵa ketken adamnyń denesi tabyldy - Pavlodar oblysy

PAVLODAR. QazAqparat - Pavlodarskoe aýylynyń mańynda Ertis ózenine batyp ketken er adamnyń denesi tabyldy. Ol 8 tamyzda tyıym salynǵan jerde shomylǵan, dep habarlaıdy QazAqparat Pavlodarnews.kz-ke silteme jasap.

- Er adamnyń denesi 12 tamyzda saǵat 13-41-de Pavlodarskoe aýylynda Ertis ózeniniń saǵasynan tabylyp, jedel atqarý jasaǵynyń kúshimen sýdan shyǵaryldy, - dedi oblystyq tótenshe jaǵdaılar departamentiniń baspasóz qyzmetinde.

Eske sala keteıik, Pavlodar oblysynda demalys kúnderi úsh adam sýǵa batyp ketken.
Qaıǵyly oqıǵalar shomylýǵa arnalmaǵan jerlerde oryn aldy.
8 tamyz kúni saǵat 17: 20-da Shaýken aýylynyń mańyndaǵy sorǵy stantsııasynyń janynda shomylý kezinde Efremovka aýylynyń 30 jastaǵy turǵyny sýǵa batyp ketti. Taǵy bir keleńsiz jaǵdaı Maı aýdanynda oryn aldy. Munda 7 tamyz kúni Belaıa ózeninde Baskól aýylynda 44 jastaǵy Aqsý turǵyny sýǵa aǵyp ketken. Sol kúni Sharbaqty aýdanynda Shaldaı aýylynyń janyndaǵy jasandy sý qoımasynda 42 jastaǵy aýyl turǵyny ajal qushty.