Sýǵa ketken 8 adamnyń, onyń ishinde 6 balanyń máıitteri tabyldy
ASTANA. 4 shilde. qazAqparat - Sýǵa ketken 8 adamnyń, onyń ishinde 6 balanyń máıitteri tabyldy. Bul týraly QR TJM-niń baspasóz qyzmeti.
Almatynyń Bostandyq aýdanynda, Alma-Arasan shatqalyndaǵy úlken Almaty ózeninde «Shalkóde» dámhanasynyń aýmaǵynda 3 shildede saǵat 16.25-te taý ózenine 4 jasar bala qulap, batyp ketti. Bul týraly QR TJM-niń baspasóz qyzmeti.
Onyń máıiti sol jerde demalyp jatqan adamdarmen saǵat 18.44-te sýdan shyǵaryldy. Jedel-izdestirý jumysyna QR TJM Almaty qalasy boıynsha TJD sýdan-qutqarý qyzmetiniń 4 adamy, «ROSO» MM-niń 4 adamy, QR TJM «Qazaýylqorǵaý» MM-niń 4 adamy men 2 tehnıkasy jumyldyryldy.
Qapshaǵaı qalasynda, «Romantıka» demalys ornynda keshe saǵat 18.30-da 4 jasar qyz bala abaısyzda Qapshaǵaı sý qoımasyna batyp ketti. Onyń máıiti qyzdyń ata-anasymen sýdan shyǵaryldy.
Almaty oblysynyń Qarasaı aýdanynda Alma-Arasan ózenine 3 shilde kúni saǵat 15.10-da 4 jasar ul bala aǵyp ketti. Onyń máıiti balanyń ata-anasymen sýdan shyǵaryldy.
Qyzylorda oblysynyń Qazaly aýdanynda, Birlik eldi mekeninde 3 shilde kúni saǵat 18.40-ta Syrdarııa ózenine shomylý kezinde 7 jáne 8 jastaǵy eki bala batyp ketti. QR TJM Qyzylorda oblysy boıynsha TJD sýdan-qutqarý qyzmetiniń kúshimen (3 adam men 1 tehnıka) olardyń máıitteri izdestirilýde.
Qostanaı oblysynyń Jetiqara qalasynda, Shortandy aýdanydaǵy Tómengi bóget mańynda saǵat 17.30-da sýǵa túsken 43 jastaǵy er adam ajal qushty. Onyń máıiti jergilikti turǵyndarmen jaǵaǵa shyǵaryldy.
Qyzylorda qalasynyń Araı shaǵynaýdanynda, Syrdarııa ózenine keshke saǵat 09.16-da shomylyp júrgen 35 jastaǵy er adam batyp ketti. QR TJM Qyzylorda oblysy boıynsha TJD sýdan-qutqarý qyzmetiniń kúshimen (3 adam men 1 tehnıka) saǵat 10.30-da er adamnyń máıiti sýdan shyǵaryldy.
Ońtústik Qazaqstan oblysynyń Saryaǵash aýdanynda 1 shilde kúni saǵat 19.00-de Hanym sý qoımasyna shomylý kezinde 8 jasar bala batyp ketti. QR TJM Ońtústik Qazaqstan oblysy boıynsha TJD sýdan-qutqarý qyzmetiniń kúshimen (7 adam men 1 tehnıka) 3 shildede saǵat 14.30-da er adamnyń máıiti sýdan shyǵaryldy.
