Sýǵa batyp bara jatqan bosqyndy týrıster vıdeoǵa túsirip, keleke qyldy
ASTANA. QazAqparat - Venetsııanyń Úlken kanalynda gambııalyq bosqyn týrısterdiń kózinshe sýǵa batyp ketti.
Týrıster kómek kórsetýdiń ornyna, bolǵan jaıtty smartfonǵa túsirip turǵan. Tergeý jumystary bastaldy, dep jazdy Independent.
Basylymnyń habarlaýynsha, 22 jastaǵy gambııalyq Pateh Saballı arna ortasynda ómir úshin jantalasqan. Al kýágerler ony vıdeoǵa túsirip turǵan jáne násilshildik sózder aıtyp, keleke qylǵan. Vıdeolardyń birinde «Durys, úıińe qaıt!» degen sózderdi estýge bolady, dep jazady «RIA Novostı» agenttigi.
Saballıge úsh qutqarý sheńberi laqtyrylǵan, biraq ol onyń birine de jete almady. Baqylap turǵandardyń eshbiri sýǵa sekirip, adamdy qutqarýǵa árekettenbedi. Saldarynan Saballı ajal qushty.
«Men eshkimdi kinálaǵym kelmeıdi, biraq ony qutqaryp qalýǵa bolar edi», - dedi ıtalııalyq qutqarýshylar qaýymdastyǵynyń jergilikti basshysy Dıno Basso.
A migrant drowned in Venice's Grand Canal while an onlooker apparently shouted taunts. pic.twitter.com/M1gAfqZVUa
— AJ+ (@ajplus) 26 ıanvarıa 2017 g.
