Sýǵa batyp bara jatqan balalardy qutqarǵan otbasy marapattaldy - SQO

Tótenshe jaǵdaılar departamenti baspasóz qyzmetiniń aqparaty boıynsha, keshqurym Vladımır Vorobev kól jaqtan balalardyń janushyra aıqaılaǵan daýysyn estıdi. Er adam úıinen atyp shyǵady. Ári qaraı oryn alǵan kórinis, tipti qorqynyshty: kórshi qyz jaǵadan 15 metr jerde muz ústinde turǵan, al eki kishkentaı bala sýdan shyǵa almaı jatqan. Keıipkerimiz oılanbastan muz ústimen birden olarǵa júgirip barady. Kenet ol balalardan bir-eki metr qashyqtyqta muzǵa qulap túsedi. Biraq, alǵa qaraı qozǵalýyn jalǵastyra beredi.

Bolonıa matasynan tigilgen kúrtesheler balalardy áli sý betinde ustap turǵan. Vladımır uldardy qatty qysa ustap alady,biraq eń qıyny alda edi. Bul jerde kóldiń tereńdigi 3 metrdeı bolatyn, sýda qalǵan adamdardyń eshqaısysyn muz ustap tura almady.

«Balalardy synǵan muz ústine kezekpen laqtyrýǵa týra keldi. Osylaısha, biz tabanymyz jerge tıgenshe jaǵaǵa qaraı jyljýǵa áreket ettik. Onda meniń áıelim Tatıana kútip turdy. Ol balaqaılardyń aıqaılaryn estigen sátte meniń artymnan júgirip shyqqan eken. Men, tipti, kıinip úlgermeı, jalań aıaq shyǵyp kettim. Balalardy úıge alyp kelip, sý bolǵan kıimderin sheshindirip, olardy jaıyp, jylytyp, keıin ata-analaryna habarlastym», - dedi V. Vorobev.

Málim bolǵandaı, 8 jasar Evgenıı men 10 jasar Leonıd Domashnee kóliniń muzyna syrǵanamaqshy bolǵan. Balalardyń shalaǵaılyǵy sál bolmaǵanda qaıǵyly jaǵdaımen aıaqtalar ma edi, bálkim?!

Vladımır men Tatıana Vorobevtar 35 jasta. Búginde úsh bala tárbıelep otyr. Olar ózderiniń bul áreketin erlik dep sanamaıdy. Olardyń ornynda basqa adamdar bolsa da dál osylaı jasaıtynyna senimdi.

«Qazaqstan Respýblıkasy Іshki ister mınıstriniń quqyqtaryna sáıkes, Vladımır men Tatıana Vorobevtardy marapattaýǵa usynys daıyndalýda», - dep atap ótti baspasóz qyzmetinde.

Avtory:

Olesıa Jýkoven