Sýǵa batqan «Sevol» kemesiniń kapıtany qamaýǵa alyndy
ASTANA. QazAqparat - Ońtústik Koreıa bıligi sýǵa batyp ketken «Sevol» kemesiniń kapıtanyn qamaýǵa aldy. 68 jastaǵy Lı Chjýn Sokty qamaýǵa alý týraly orderdi kemeniń batý sebebin anyqtaýmen aınalysyp jatqan tergeý toby talap etken.
Tergeýshilerdiń aıtýynsha, keme batyp jatqanda kapıtan jolaýshynyń keıipine enip, birinshi bolyp qashyp ketken. Sondaı-aq jolaýshylar keme batyp jatqanda, qaýipsizdik sharalary qabyldanbaı, kerisinshe adamdarǵa óz oryndarynda qalýǵa keńes berilgenin aıtyp otyr.
Aıta keteıik, «Sevol» kemesi 16 sáýir kúni Ońtústik Koreıanyń ońtústik-batys jaǵalaýynda apatqa ushyraǵan bolatyn. Qazirgi kezde 31 adam qaza taýyp, 265 adam is-tússiz joǵalǵandar qatarynda, dep jazady APA.
