Sýǵa batqan qyzdy qutqarǵan polıtseı Prezıdent qolynan orden aldy
NUR-SULTAN. QazAqparat - Búgin Aqordada QR Prezıdenti Qasym-Jomart Toqaev Atyraýda sýǵa batqan qyzdy qutqaryp qalǵan Rústembek Súndetovti 2-dárejeli «Aıbyn» ordenimen marapattady, dep habarlaıdy QazAqparat tilshisi.
«Áskerdi basqarýdaǵy eńbegi men jaýyngerlik jattyǵýdaǵy joǵary kórsetkishi úshin 1-dárejeli «Dańq» ordenimen QR Qarýly kúshteriniń Bas shtaby bastyǵynyń orynbasary Ádilbek Aldabergenov, 2-derejeli «Dańq» ordenimen Konstıtýtsııalyq qurylysty qorǵaýdaǵy qyzmeti úshin Almaty oblys boıynsha QR Ulttyq qaýipsizdik komıteti departamentiniń bastyǵy Sábıt Qurmanálıev marapattalady», - dedi Prezıdent saltanatty shara barysynda.
Sonymen qatar Memleket basshysy sybaılas jemqorlyqpen jáne kólegeıli ekonomıkamen kúrestegi jetististikteri úshin Aqmola oblystyq sybaılas jemqorlyqqa qarsy is-qımyl departamentiniń basshysy Qýanysh Bekbasovqa 2-dárejeli «Aıbyn» ordenin tabys etti. Memlekettik sharalardyń qaýipsizdigin qamtamasyz etýdegi minsiz qyzmeti úshin dál osyndaı ordenmen Memlekettik kúzet qyzmetiniń ınspektory Vıktor Balıasnıkov marapattaldy.
«2-dárejeli «Aıbyn» ordenine Atyraý qalasynyń jol-patrýldik polıtsııasynyń ınspektory Rústembek Súndetov laıyqty dep tanyldy. Sýǵa batyp bara jatqan qyz balany qutqaryp qalǵan azamattyń batyldyǵy shynaıy erliktiń úlgisi. «Qurmet» ordenimen QR Bas prokýratýrasy Úkimderdiń zańdylyǵyn qadalaǵaý qyzmeti bastyǵynyń orynbasary Radımhan Dýbaeva marapattalady. Onyń basshylyǵymen túrme turǵyndaryn qysqartýdyń 10 sharasy atty áleýmettik mańyzy bar joba júzege asyryldy, - dedi Memleket basshysy.», - dedi Memleket basshysy.
Q.Toqaev janqııarlyq erik jasap, kámeletke tolmaǵan balany jáne qarııany órtten aman alyp shyqqan Ulttyq gvardııanyń sarbazy Medet Balabıevti «Erligi úshin» medalimen marapattady.
