Sýǵa batqan kólik jolaýshylary aǵashqa órmelep, aman qaldy
ASTANA. QazAqparat - Sýǵa batyp bara jatqan avtokólikten sekirip, aǵashqa órmelep shyǵyp ketken eki adam eki saǵat boıy qutqarýshylardy kútken, dep habarlaıdy RIA Novostı Qıyr shyǵys óńirlik izdeý-qutqarý jasaǵynyń baspasóz qyzmetine silteme jasap.
«Saıahatshylar Prjevalski jartastarynan qaıtyp kele jatqan. Ekaterınovka aýylynan birneshe shaqyrym jerde ornalasqan kópirden óte bergen kezde olardyń avtokólikteri sýǵa bata bastaǵan. Er adamdar birden kólikten sekirip, eń jaqyn turǵan aǵashqa órmelep shyqqan. Kólik ishindegi bar múlikpen, qujattarmen sýǵa qulaǵan», delingen habarlamada.
Vedomostvoda málim etkendeı, zardap shekken azamattardyń kómekke shaqyrǵan daýystaryn jaqyn mańda ornalasqan kásiporynnyń kúzetshisi estip, dereý qutqarýshylarǵa habarlaǵan.
Aman qalǵan týrıster eki saǵat boıy aǵashqa ilinip turýǵa májbúr bolǵandaryn aıtty. Er azamattyń bireýi sýda júze almaıtyndyqtan qasyndaǵynyń kómegimen aman qalǵan.
