Sýǵa batqan kemeniń ishinde úsh táýlik boıy otyrǵan adam qutqaryldy
ASTANA. 5 jeltoqsan. QazAqparat - Atlant muhıtynda Nıgerııa jaǵalaýynan ondaǵan shaqyrym jerde «Jascon» býksıri dúleı daýyldyń ekpininen sýǵa batyp ketti.
Qatty soqqan jeldiń kesirinen qutqarýshylar apat bolǵan jerge úsh kúnnen keıin ǵana jete alǵan. Súńgýirler 30 metr sý túbine túsken kezde tiri qalǵan bir adamdy tapty. Kemeniń basqa músheleri aýanyń jetispeýinen mert bolǵandyǵy anyqtaldy. Osynshama ýaqyt boıy keme aspazy bolyp isteıtin Harrıson Odjegba Okene kemeniń tastaı qarańǵy bólmesinde muzdaı sýda kómek kútip otyrǵan.
Eger qutqarýshylar sál keshikkende Harrısonnyń da ómirden qol úzetindigi anyq edi, dep jazady Miami Herald.
