Sýǵa batqan kemeden tabylǵan kóne qazyna búgin Nıý-Iorkte bássaýdaǵa shyǵarylady
ASTANA. QazAqparat - XVII ǵasyrda sýǵa batqan ıspandyq kemeden tabylǵan altyn kýbok, zúbarjatpen bezendirilgen krest jáne altyn quımasy 5 tamyzda Nıý-Iorkte aýktsıonǵa qoıylady, dep habarlady amerıkalyq BAQ.
Saýdany uıymdastyrýshylardyń sózine qaraǵanda, barlyǵy 40-qa jýyq zat, sonyń ishinde 100 sırek kezdesetin kúmis monetasy satylady. Lottyń jalpy quny $1,5 mıllıonnan $2 mıllıonǵa deıin. Artefaktardy qazyna izdeýshi amerıkalyq Mel Fısher 1622 jyly Florıda jaǵalaýynyń mańynda sýǵa batqan "Nýestra Senora de Atocha" galeonynan tapty. Keme 1985 jyly tabylǵan edi. Sý túbinen shyǵarylǵan qazynanyń jalpy quny $540 mıllıonnan asty.
